Ese Ifá Kòòkan

Ese Ifá Kòòkan

I.Èjì Ogbè

Ese èkíní

Até l’ó b’édun nlè,

Edun ò mò on sá;

A diá fún edun,

Edun tí í se omo ìyá àáyá.

Àáyá fò fèrè,

Ó g’orí ìgbá.

Edun tá féré,

Edun g’orí igi.

Nígbà tí ìwá sè;

Ilèélè ni àáyá máa n rìn

Òun pèlú edun,

Omo iyá è.

Sùgbón ní ojó kan,

Edun àti àáyá wáá jalè,

Wón loo jí àgbàdo ya l’óko olóko.

Àáyá l’ó kó rí olóko,

L’ó bá fò fèrè gun igi igbá.

Nígbà tí edun ó fi wí pé òun ó fò;

Olóko ti dé,

Ó si mú edun.

Olóko wáá di edun lókùn

Nígbà tí ó mú un dé ilédì,

Wón rí i pé omo Òsùn ni.

Wón wáá so fún olóko pé

Eni tí o mú wá yìí,

Àwon ò gbodò pa á,

Nítori pé omo Òsùn ni.

Wón ní kí edun ó jéwó.

Ní edún bá jéwó.

Óní lóòótó ni òún ya àgbàdo,

Sùgbón lójú olóko ni òún se ya á.

Wón wáá bi edun pé

Kin ni yóó san fún olóko.

Edún wáá bèrè sí í se bíi wèrè.

Óní, ‘Edun yàgbàdo hàà;

Edún yàgbàdo hàà.”

Ni àwon egbé Ìmùlé bá so wí pé

Ti edún tán nbè.

Wón ní àáyá tí rí olóko sá

Ní kí won ó fì ìyà je.

Wón ní,’omo ìyá kan náà

Ni edún àti àáyá.

Sùgbón won ò fi àwò joraa won.

Edún bó nínú ejó,

Òrán sì kan àáyá,”

Àwon Ògbóni wáá ní

Ta ní ò tánràn araa won?

Wón ní,Ìwo edun,

Nígbà tí o mo ìwà àáyá,

Èé se tí ò jo fò fèrè?

Edún gbálájá, emi l’o wáá sáré se?

Kín l’ó se tí o ò fi fò mógi?

Tí olóko fi wáá mú o?

Edún ní, omodé ní í yára bí àsá,

Àgbà abikùn dèèrè bí àpò.

Aré b’édun nlè.

Edún ò mò ón sá.

Aré orí igi l’ó yé edun.

Àáyá wá n fò sókè.

Edún wá n bé.

Àáyá fò sókè,

Edún bé.

Àáyá fò mógi lórùn,

Edún sí, Edun lo.